أعلن علي غزلان منذ قليل على حسابه بمواقع التواصل الاجتماعي الاجتماعي المختلفة، انفصاله عن زوجته الإعلامية فرح شعبان، وذلك للمرة الثالثة، مما يوحي أن تلك المرة قرار لا رجعة به، وظهر في فيديو باكيا ومتأثرا مما حدث.

علي غزلان: متسألونيش عن الأسباب ومش هرد على حد 

وقال علي غزلان في فيديو على حسابه بموقع إنستجرام، ورصده موقع تحيا مصر: "ناس كتير عمالة تتصل عليا، أنا مش هرد على حد إحنا منفصلين من فترة بس مكناش حابين نعلن ده عشان كلام الناس، وكنا حابين الانفصال يبقى في هدوء وبينا بس قررنا نطلع نوضح عشان الطلاق إشهار زي الزواج بالظبط وعشان كلام الناس بدأ يكتر.

وتابع علي غزلان حديثه عن فرح شعبان، قائلا: هتفضل لحد اخر يوم في عمري أم ابني ومستحيل أتكلم عنها بحاجة وحشة ولا هي تعمل كدة وكل الناس اللي بتقول إنها بتلقح عليك في الفيديوهات ده كلام مش صحيح، هي دي مش أخلاقها ولا تربيتها ومستحيل ألاقي زيها في حياتي.

علي غزلان باكيا: سيبونا في حالنا احنا متدمرين 

وقال علي غزلان باكيا: الطلاق مصيبة الراجل والست والراجل بيكون مجروح بس مبيعرفش يعبر.. احنا متدمرين سيبونا في حالنا، انا هفضل على علاقة بفرح لحد آخر يوم في عمري وهفضل سندها واحتمال تشوفونا مع بعض كتير ومش عايزين غير إننا نعيش في هدوء ونربي ابن سوي بعيدا عن كلامكم.

وكان قد أعلن علي غزلان انفصاله عن فرح شعبان، قائلا: "قدر الله وماشاء فعل .. تم الطلاق بيني وبين فرح ..قررنا الانفصال بهدوء بدون أي مشاكل وخناقات .. هي انسانة كويسة ربنا يوفقها في حياتها لانها هتفضل أم إبني وهتفضل ذكرياتنا مع بعض موجودة.

علي غزلان عن انفصاله عن فرح شعبان: فشلنا نكون زوجين لبعض 

واختتم علي غزلان حديثه: يمكن فشلنا نكون زوجين لبعض . بس أكيد هننجح بإذن الله اننا نكون اب وام كويسين لإبننا، أتمني احترام القرار ومحدش يكلمنا في اي تفاصيل، لاننا مش هنتكلم في حاجه وهنفضل ضهر بعض عشان خاطر رحيم ابننا، الموضوع صعب علينا جداً وأكيد ربنا مش بيعمل حاجه وحشه ، وكل حاجه معموله لسبب ، ويارب الجاي ف حياتنا يبقي الأفضل لينا.. وادعولنا ربنا يسندنا.