نشر المخرج رامي إمام، عبر حسابه الرسمي على موقع انستجرام، منشورًا جديدًا له ليدعم من خلاله الموهبة الشابة مايا أشرف زكي، ابنة الفنانة روجينا، والتي تخوض تجربتها الأولى في عالم الإخراج بمسلسل "حد أقصى" المقرر عرضه في رمضان 2026.
وعبر رامي عن فخره بـ مايا، قائلا: "النهاردة بكتب كلام مش متعود أكتبه، يمكن لأني لأول مرة أحس إحساس إن فيه حد طالع من مدرستي ومن تلامذتي، وأنا نفسي لسه بتعلم".
وأضاف: “من 13 سنة، مايا زكي كان عندها 17 سنة (طبعًا هي هتخنقني علشان قلت سنها)، كانت لسه طالبة في أولى معهد سينما قسم إخراج، أبوها أشرف زكي حبيب قلبي، سلّمها لي وقال لي: (دي بنتك… من فضلك بهدلها معاك)”.
وواصل: "ومن اللحظة دي، شفت بنت صغيرة جدًا جدًا وهي بتكبر قدامي في المجال".
وتابع رامي "بدأت معايا مساعدة صغيرة، واتعلمت، واجتهدت، واترقّت… من مساعدة لمساعدة أولى وشالتني كتير لحد ما النهاردة بقت مخرجة في أول عمل ليها السنة دي، في رمضان 2026 إن شاء الله، ومع مين؟ مع أمها، حبيبتي الغالية، أيوة هي من عيلة فنية كبيرة، رحلة كاملة شفتها بعيني، بكل تعبها وبكل لحظة قوة وضعف".
واختتم دعمه ومساندته لـ مايا قائلا: "الفخر اللي حاسس بيه مش عادي، مش بس عشان وصلت، لكن لأنها تستحق فعلًا المكان اللي هي فيه، عندها شخصية قيادية، حضور، ووعي يخليها مش مجرد مخرجة، لكن واحدة من المخرجات الكبار في مصر إن شاء الله، بحبك، وبشجعك من قلبي، وواثق في اللي جاي أكتر من أي وقت فات".
مسلسل حد أقصى تأليف هشام هلال، إخراج مايا أشرف زكي، بطولة روجينا، ومن المقرر عرضه في رمضان 2026.
- بعد نجاحه فى رمضان.. مواعيد العرض الثانى لمسلسل "حد أقصى" على شاشة ON
- انطلاق عرض مسلسل "حد أقصى" على شبكة قنوات ON
- سماح أنور تكشف أسرار فى شخصيتها: أنا مجنونة ومش بكلم حد وأنا صايمة فى رمضان
- كل واحد حر.. أحمد سعد يعلق على إزالته للوشم
- ياسمين عز:تجمع أيه اللي تفطري وتتسحري فيه؟ أنتي كنتي بتغيري جو في العتبة
