تابع أحدث الأخبار عبر تطبيق

حرص الفنان محمد فراج على الاحتفال بعيد ميلاد زوجته الفنانة بسنت شوقي ووجه لها رسالة رومانسية عبر حسابه الرسمي على تطبيق "إنستجرام".

رسالة محمد فراج لزوجته

وكتب محمد فراج:"ماينفعش اقولك كل سنه وانتى طيبه قبل ما اقولك جوايا شكر وحب واعتراف بالجميل وحاجات كتير ليكي.. إنتى طول عمرك معايا - بتنصحيني - بتوعيني - بتحبيني - مؤمنه بيا - سابقاني دايمًا بخطوه في تفاصيل حياتنا ( الصراحه هي مش خطوه واحده هما كذا خطوه  ).. استحملتيني واستحملتي عصبيتي وقلقي وسخافاتي وقت الشغل وخصوصًا الفتره اللي فاتت واللي كان فيها الموج عالي قوي".
 

وتابع محمد فراج:" ومع ذلك بتبقي أول واحده تتصل بيا وبتوافقني ع صغري.. واحده بالدنيا وتكفي في كل مطمعة أخدتها ربنا كرمتي فيها.. ليكي في كل دور حلو أنا مثلته هو ومقابله هم وجمال وجمالك وجمل القطط وحاجات كتير كتير.. وفوق كل ده كمان زي القمر".

واختتم محمد فراج حديثه وقال:" أنا لو إتكلمت وحكيت من هنا لعيد ميلادك السنه الجايه والله مش كفايا تفتكري بعد كل ده كلمتين حتى لو صادقتين ومن القلب يوفوكي حقك !!
​كل سنه وانتى أحلى صوص بيدى طعم للحياة.. 
​كل سنه وانتى حبيبتي".

مسلسل “أب ولكن”

من جهة أخرى، يواصل محمد فراج تحضيرات مسلسله الجديد "أب ولكن" على قدم وساق تمهيدًا لعرضه في موسم دراما رمضان المقبل 2026. 

مسلسل "أب ولكن" ينتمي لنوعية أعمال الـ 15 حلقة وتأليف ماريان هاني وإخراج ياسمين أحمد كامل، ومن بطولة محمد فراج وهاجر أحمد وجاري التعاقد مع باقي الفنانين المشاركين في البطولة قبل انطلاق التصوير، والعمل يتناول قضايا حساسة تتعلق بالطلاق وقانون الرؤية وذلك في اطار اجتماعي.