كشف الفنان طارق شريف مفاجأة تخلص أغنية "الفراق دا نار" للنجم الكبير عمرو دياب.
وقال طارق شريف خلال لقائه مع الناقد الفني مصطفى حمدي في برنامج كاسيت: "في مرة رحت اسمع صوتي للشاعر عادل عمر ولقيته بيسمعني أغنية (الفراق دا نار) وكلماتها كانت بتقول: "أنت ياللي بحبك انت ياللي حبيبي .. انت ياللي طبيبي دوايا".
وأضاف شريف: "الأغنية دي كانت بتاعتي قبل ما تتعرض على عمرو دياب وكانت متفصلة عليا وغنتها وقولتلهم حلوة أوي وسجلتها على شريط كاسيت وكانت لايقة عليا جدا وعملنا الأغنية وأدتها لفؤاد الشاعري مدير أعمال النجم حميد الشاعري واديته الشريط بتاعي وقالي أول ما يفضى حميد هديله الشريط ونشتغل".
وتابع: "أعدنا شهر اتنين تلاتة ورحتله الاستوديو بعد كدا وكان عمرو دياب شغال معاه جوة في الاستوديو وفضلت قاعد للساعة 5 الفجر وشفت حميد الشاعري في البريك وندهت عليه وفكرته بالأغنية وسمعته جزء منها واعد يضحك وقالي قولها تاني كدة ودخلت الاستوديو لقيت عمرو دياب وشغالة الأغنية بتاعتي بتقول (الفراق دا نار) بصيت وقولتله ايه دا دي اغنيتي ووقفت في ذهول وراحت مني الأغنية ومكنتش عملت وقتها تنازلات وأعدنا نضحك وقالولي ان شاء الله تلاقي حاجة أحلى وقعدت كلت معاهم ونسيت الأغنية".
- حلمي عبد الباقى يطرح "اللي مابيطمرش فيه" بنكهة شعبية مبتكرة
- بعد 15 عامًا.. حاتم فهمى يعود بألبوم "عامل قلبان" وكليب "بعد غيابه"
- أغنية تجمع آيتن عامر وأحمد البرازيلى وخالد فيرناس ومودى سعيد وتطرح قريبا
- فى عيد ميلاده.. سر عودة «المريلة الكحلى» لمحمد منير إلى الترند
- يسرا محنوش تهدى مصر أغنية «آه على البلد دى» بالتزامن مع احتفالات أكتوبر
