قالت الفنانة الشابة هنادي مهنا إنها تشعر بالحرية بشكل أكبر فيما يتعلق باختيار ملابسها، أثناء خروجها مع صديقاتها، لافتة إلى أن الكاميرات والأضواء تشعرها بالقلق والتوتر:"أنا خارجة مع أصحابي بلبس أحلى لأني بخترع حاجات براحتي وبتكون النتيجة أحلى بكتير، لكن لما بركز أوي في التفاصيل بيطلع اللوك وحش". 

ووجهت هنادي خلال حوارها مع برنامج "ستايل توك" الذي تقدمه الإعلامية شيرين حمدي، عبر قناة ON، رسالة لمن كانوا يتنمرون عليها في المدرسة والجامعة:"ولا أي حاجة.. أولًا ولاد هما اللي كانوا بيتنمروا عليا، ومكنوش بنات،  وقعدت 4 سنين من عمري مش بلم شعري خالص وكنت سايباه، ودي كانت حاجة سيئة لأني كنت بعمل كده  بسبب اني كنت فترة باخد علاج وكان نافخني، وكنت بلم شعري، فلما فكيته، واحد  قالي في المدرسة: "أيوه أنا كده عرفتك، أنا مكنتش عارفك"، وبسبب كلامه ده قعدت 4 سنين بسيب شعري ومش بلمه، معقبة:"مش متضايقة منهم لأنهم في الآخر كانوا أطفال". 

وتابعت "بفتكر حاجات كتير أوي للمتنمرين، لكن في النهاية ده دور الأهل في تعليم الأطفال عدم التنمر والتريقة على الآخرين".