قالت الإعلامية سالي شاهين، إنها تفضل إقامة فرح يحضر فيه أصدقاءها المقربين جدًا، حتى لو كان عددهم 15 شخص فقط، معقبة:" لذلك أفضل إقامة فرحي في أي مكان بعيد مش سهل الوصول لها، عشان مش هيجي ليا إلا اللي بيحبني أوي، إللي هيتعب نفسه عشان يجي هو ده اللي بيحبني أوي، وأحب فرحي يكون على البحر أو في غابة، ومش عايزة فساتين مبهرجة، ممكن فستان ينفع على البحر، وآخر الفرح أحب أنط في المية، والمعزيم ينطوا ورايا". 

وأضافت الإعلامية سالي شاهين خلال تقديمها برنامج "ست ستات" المذاع عبر قناة dmc، أن كل الأفراح في الوقت الحالي هدفها المنظرة أمام الناس، عشان نبين للناس إحنا دفعنا إيه واشترينا إيه وإحنا أد إيه كرماء أوي، وإحنا فرحنا أحلى من فرح فلانة، وفستاني أحلى من فستان فلانة، معقبة: " الموضوع في النهاية منظرة وليس له علاقة بالسعادة".