كشفت الفنانة فردوس عبد الحميد تفاصيل عرض الموسيقار الراحل  محمد عبد الوهاب، لدخولها مجال الغناء، قائلة: "في يوم لقيت التليفون بيرن، ولقيت حد بيقول لي "هالو.. أنا محمد عبد الوهاب"، قلت له "بس بقى سخافة وقفلت التليفون" فطلب تاني، لقيت الصوت هو، فقلت "حضرتك مين؟ قالي أنا محمد عبد الوهاب، فقلت له لا مش ممكن، بتكلمني أنا ليه، قالي أنا سمعتك في مسلسل "ليلة القبض على فاطمة" وعجبتني الأغاني إللي غنيتيها وأنا عايز أقابلك وهاتيلي شريط بالأغاني غنيتيها في المسلسل ". 

وأضافت الفنانة فردوس عبد الحميد خلال لقاءها ببرنامج "ستوديو extra " المذاع عبر قناة Extra news: "حضرت الشريط وذهبت للأستاذ محمد عبد الوهاب، وقالي أنا بفكر ألحن لك أغاني،  لكني عملت "عكاية جامدة"، قلت له أه الأستاذ كمال الطويل عايز يلحن لي أغاني، فقالي خلاص روحيله خليه يلحن لك، معقبة:" الأستاذ كمال الطويل كان يفكر يلحن لي أغاني لكن المسألة لم تكتمل لأن التركيز كان أكبر في التمثيل".