وجه الإعلامي أسامة كمال رسالة للعالم عن عظمة رجال مصر، قائلًا: "في بلاد بتتبني بالحجارة، وبلاد بتتبني بالدهب، وبلاد بتتبني بمصادر الطاقة.. لكن مصر اتبنت بالدم؛ ومش أي دم، دم ناس مشيوا على الأرض وهم عارفين إنها مش أرضهم لوحدهم، دي أمانة في رقبتهم، وإن كل نفس بيتنفسوه فيها، ليه تمن؛ تمن ممكن يكون عمرهم نفسه؛ البلد دي ما اتحمَتش لا بقنابل، ولا بطيارات، اتحمَت برجالة، حطّوا قلوبهم في كفوفهم، وقالوا: "إحنا مش بندافع عن أرض؛ إحنا كنا بنحط أجسادنا حدود للوطن. ولو وقعنا، ما يقعش ورا ضهرنا العلم".

وأضاف الإعلامي أسامة كمال خلال تقديمه برنامج "مساء dmc" المذاع عبر قناة dmc: "سبق وقلت لكم: هؤلاء أبناؤنا.. أروني أبناءكم.. دول ولادنا دول رموزنا.. دول مصر.. خلوا رموزكم وولادكم يتكلموا؛ وصدقوني مهما صوتهم عّلي.. مش هيوصلوا لصوت مصر".